అన్నవరం (రెడ్ బీ న్యూస్) 3 నవంబర్ 2021: అన్నవరం సత్యనారాయణస్వామి సుప్రభాత సేవ, మంగళస్నానం తదితర కార్యక్రమాల సీడీని ఈ నెల 9న ఆవిష్కరించనున్నారు. భారత ప్రభుత్వ సాంస్కృతిక వనరులు, శిక్షణ కేంద్రం ద్వారా హైదరాబాద్‌ యూనివర్సిటీలో మ్యూజిక్‌ ఫ్యాకల్టీ, కళాకారుడు ఆచార్య డి.శ్రీనివాస వెంకటశాస్త్రి ఆధ్వర్యంలో రికార్డింగ్‌ చేశారు. ఆవిష్కరణకు ప్రత్యేక ఏర్పాట్లు చేస్తున్నారు. ఈ కార్యక్రమానికి హాజరుకావాలని దేవాదాయశాఖ మంత్రి వెలంపల్లి శ్రీనివాస్‌, ఆ శాఖ ముఖ్యకార్యదర్శి వాణీమోహన్‌, కమిషనర్‌ హరి జవహర్‌లాల్‌ను ఛైర్మన్‌ ఐ.వి.రోహిత్‌, ఈవో వి.త్రినాథరావు తదితరులు బుధవారం ఆహ్వానించారు.