Shaakuntalam: శాకుంతలం నుంచి తాజా అప్డేట్.. ఏమిటంటే?

UPDATED 2nd AUGUST 2022 TUESDAY 02:30 PM

Shaakuntalam: టాలీవుడ్ స్టార్ బ్యూటీ సమంత నటిస్తున్న తాజా చిత్రం ‘శాకుంతలం’ షూటింగ్ ముగించుకుని చాలా రోజులు అవుతున్న సంగతి తెలిసిందే. ఈ సినిమాను దర్శకుడు గుణశేఖర్ తెరకెక్కించగా, మైథలాజికల్ ఫిక్షన్ మూవీగా ఈ సినిమా రానుంది.

ఈ సినిమాలో సమంత శకుంతల పాత్రలో కెరీర్ బెస్ట్ పర్ఫార్మెన్స్ ఇచ్చేందుకు రెడీ అవుతున్నట్లుగా చిత్ర యూనిట్ తెలిపింది. గుణ శేఖర్ అత్యంత ప్రతిష్టాత్మకంగా తెరకెక్కిస్తున్న ఈ సినిమాకు సంబంధించి ఎలాంటి అప్డేట్ రాకపోవడంతో ప్రేక్షకులు ఈ సినిమా కోసం ఎంతో ఆసక్తిగా ఎదురుచూస్తున్నారు.అయితే ప్రేక్షకలు పలుమార్లు ఈ సినిమా అప్డేట్స్ గురించి అడిగినా చిత్ర యూనిట్ రెస్పాండ్ కాలేదు. దీంతో ప్రేక్షకుల్లో ఈ సినిమాపై ఆసక్తిని తగ్గకుండా ఉండేందుకు గుణశేఖర్ భార్య నీలిమా గుణ తాజాగా ఈ సినిమా గురించి ఓ ట్వీట్ చేసింది.

‘శాకుంతలం’ సినిమా అందరూ మెచ్చే విధంగా అందించేందుకు తామెంతో కృషి చేస్తున్నామని.. సినిమా షూటింగ్ ముగిసినా, గ్రాఫిక్స్ వర్క్ కోసం చాలా సమయం పడుతుందని ఆమె పేర్కొంది. మంచి ఔట్‌పుట్ రావాలని తాము ప్రయత్నిస్తున్నామని.. అందుకే ఈ సినిమా రిలీజ్‌లో జాప్యం జరుగుతుందని ఆమె తెలిపింది. తమను అర్థం చేసుకుని, శాకుంతలం సినిమా కోసం ఆసక్తిగా ఎదురుచూస్తున్న అభిమానులందరికీ ఆమె కృతజ్ఞతలు తెలిపింది.

మొత్తానికి శాకుంతలం సినిమా గురించిన అప్డేట్స్ ఎందుకు లేట్ అవుతున్నాయో గుణ శేఖర్ భార్య నుండి క్లారిటీ రావడంతో, ఈ సినిమా మంచి కంటెంట్‌తో వస్తుందని అభిమానులు ఆశిస్తున్నారు. ఇక ఈ సినిమాలో దేవ్ మోహన్, అనన్యా నాగళ్ళ తదితరులు ఇతర ముఖ్య పాత్రల్లో నటిస్తుండగా, ఈ సినిమాకు మణిశర్మ సంగీతం అందిస్తున్నాడు. మరి శాకుంతలం చిత్రం ఎప్పుడు రిలీజ్ అవుతుందో అని సామ్ అభిమానులు ఆసక్తిగా చూస్తున్నారు.

ads
×
  • Home
  • About Us
  • Politics
  • Crime
  • Devotional
  • Education
  • Entertainment
  • General
  • Business
  • Information
  • Gallery
  • Contact Us