YS Viveka Murder : వైఎస్ వివేకా హత్య కేసు మిస్టరీ కంటిన్యూ

UPDATED 2nd MARCH 2022 WEDNESDAY 08:00 AM

YS Viveka Murder : మూడేళ్లు దాటినా.. వైఎస్ వివేకా హత్య కేసు సస్పెన్స్ కొనసాగుతూనే ఉంది. ఓవైపు సీబీఐ నిందితులను పట్టుకునేందుకు ప్రయత్నిస్తుండగా.. మరోవైపు వివేకా హత్య కేసుపై రాజకీయ రగడ జరుగుతూనే ఉంది. హత్య కేసుకు సంబంధించి టీడీపీ-వైసీపీ మధ్య మాటల యుద్ధం ముదిరింది. వివేకా హత్యకేసులో టీడీపీని విమర్శించడం తగదన్నారు ఆపార్టీ నేత బొండా ఉమ.

ఓ సారి సీబీఐ విచారణ కావాలని మరోసారి వద్దని నాటకమాడింది వైసీపీ నేతలేనని విమర్శించారు. వివేకా కుటుంబ సభ్యులే హత్య గురించి చెబుతుంటే ఉమ. సునీత, ఆమె భర్త టీడీపీకి అమ్ముడుపోయారని సజ్జల మాట్లాడటం సిగ్గుచేటన్నారు. వివేకా కేసు నిందితులను సీబీఐ త్వరలోనే పట్టుకుంటుందని.. అప్పుడు వాస్తవాలు బయటకు వస్తాయన్నారు బొండా ఉమ. అటు వివేకా హత్యపై టీడీపీ దుష్ప్రచారం చేస్తోందని మండిపడ్డారు ఏపీ ప్రభుత్వ సలహాదారు సజ్జల రామకృష్ణారెడ్డి. వివేకా హత్యకు రాజకీయరంగు పులిముతున్నారని ఆగ్రహం వ్యక్తం చేశారు. టీడీపీ ఎంత బురదజల్లుతున్నా ఇంతకాలం ఓపిగ్గా ఉన్నామన్నారు. కానీ వివేకా సొంత కుటుంబ సభ్యులే ఆరోపణలు చేయడం దారుణమన్నారు. ఎలాంటి ఆధారాలు లేకుండా సునీత ఆరోపణలు చేయడం సరికాదన్నారు. సునీత చంద్రబాబు చేతిలో పావుగా మారారని ఆరోపించారు.

చంద్రబాబే వెనకుండి కుట్ర పూరితంగా నాటకమాడిస్తున్నారు. జగన్‌ను రాజకీయంగా ఎదుర్కోలేక వివేకా కుమార్తె, అల్లుడిని కలుపుకుని​చంద్రబాబు కుట్రకు తెరలేపుతున్నారన్నారు సజ్జల రామకృష్ణారెడ్డి. సీబీఐ విచారణను ప్రభుత్వం కూడా స్వాగతించిందన్నారు.

ads
×
  • Home
  • About Us
  • Politics
  • Crime
  • Devotional
  • Education
  • Entertainment
  • General
  • Business
  • Information
  • Gallery
  • Contact Us