Tollywood : టాలీవుడ్ మీటింగ్ సమావేశం సారాంశం ఇదే..

UPDATED 10th FEBRUARY 2022 THURSDAY 02:05 PM

అమరావతి (రెడ్ బీ న్యూస్): సినిమా టికెట్ ధరల విషయంలో, సినీ పరిశ్రమ సమస్యల కోసం చిరంజీవి ముందుండి ఇప్పటికే గతంలో ఓ సారి ఈ విషయంపై ఏపీ సీఎం జగన్ ని కలిసినా ఈ సారి మరింతమంది టాలీవుడ్ ప్రముఖుల్ని తీసుకొని వెళ్లారు. ఇవాళ ఉదయం చిరంజీవితో పాటు మహేష్, ప్రభాస్, రాజమౌళి, కొరటాల శివ.. మరికొంతమంది పెద్దలు జగన్ ని కలిసి సినిమా పరిశ్రమ కష్టాల గురించి చెప్పారు. ఆ తర్వాత మీడియా సమావేశంలో జగన్ తో జరిగిన మీటింగ్ గురించి అందరూ వివరించారు.

లాస్ట్ టైం కలిసినప్పుడు అందరికి ఆమోదయోగ్యంగా ఉండాలని కోరాను. పరిశ్రమ మీద వేలాది మంది ఆధాపడి ఉన్నారు. చిన్న సినిమాలకి అయిదవ షోకి వెంటనే ఓకే చెప్పారు. తెలుగు సినిమాని ప్రపంచ వ్యాప్తంగా గుర్తింపు వచ్చింది. హై బడ్జెట్ సినిమాలు వస్తున్నాయి. ఈ విషయంలో పేర్ని నాని ఎక్కువ కష్టపడ్డారు. మా బాధలు అన్ని విన్నారు. ప్రజల కోసం కూడా ఆలోచించారు. పేర్ని నానికి థ్యాంక్స్. ఇదంతా పేర్ని నాని గారి వల్లే.

ఆంధ్రప్రదేశ్ లో సినిమా పరిశ్రమ అభివృద్ధి చేయాలని, అవకాశాలు ఇస్తానని జగన్ అన్నారు. వైజాగ్ లో సినీ పరిశ్రమ అభివృద్ధి చేయాలి అనుకుంటున్నాను అన్నారు జగన్ గారు. రెండు రాష్ట్రాల్లో సినీ పరిశ్రమ అభివృద్ధి చెందాలి. ఎప్పుడు పిలిచినా నేను వస్తాను. దీనికి సహకరించిన అందరికి ధన్యవాదాలు. ఈ మంత్ ఎండ్ లోపు జీవో కూడా వచ్చే అవకాశాలు వచ్చే అవకాశం ఉంది.

మహేష్ బాబు..

మా అందరి తరుపున చిరంజీవి గారికి ధన్యవాదాలు. ఆయన లాస్ట్ ఆరునెలల నుంచి కష్టపడుతున్నారు. లాస్ట్ ఆరు నెలల నుంచి సినీ పరిశ్రమ చాలా డల్ గా ఉంది. పేర్ని నాని గారికి థ్యాంక్స్. జగన్ గారికి, ఏపీ గవర్నమెంట్ కి ధన్యవాదాలు. వారం లోపు మంచి మాట చెప్తామన్నారు.

రాజమౌళి..

జగన్ గారికి సినీ పరిశ్రమ గురించి మంచి నాలెడ్జ్ ఉంది. ఆయనకి మా థ్యాంక్స్. మేము చెప్పినవన్నీ చాలా సహనంతో విన్నారు. పెద్ద సినిమాల కష్టాలు, చిన్నా సినిమాల కష్టాలు వినిపించాం. చిరంజీవి గారు ఇండస్ట్రీ పెద్ద అని చెప్పకుండానే అన్ని చేస్తున్నారు. చిరంజీవి గారు సినీ పరిశ్రమ కష్టాలని ఆయన భుజాన వేసుకొని ప్రభుత్వంతో మాట్లాడుతున్నారు. థ్యాంక్ యు సర్.

ప్రభాస్..

ముఖ్యమంత్రి గారు మాకు చాలా టైం ఇచ్చారు. మా సమస్యలకి పాజిటివ్ గా స్పందించారు. చిరంజీవి గారి వల్లే ఇది సాధ్యమైంది. పేర్ని నాని గారికి థ్యాంక్స్ సర్.

ఆర్ నారాయణ మూర్తి..

సినిమా పరిస్థితి దారుణంగా ఉంది. దాన్నికాపాడాలని జగన్ మోహన్ రెడ్డి గారికి విజ్ఞప్తి చేసాము. అయన సానుకూలంగా స్పందించారు. పేర్ని నాని గారికి థ్యాంక్స్ . చిరంజీవి మంచి రోల్ ప్లే చేశారు. మీరు మెగాస్టార్ చాలా గొప్ప మనిషి. మీరు అందర్ని కలిసి సినిమా కష్టాలు చెప్పారు. చిరంజీవి గారు దయచేసి నంది అవార్డ్స్ కూడా వచ్చేలా చేయండి. పేర్ని నాని గారు ఈ సారి మీటింగ్ ఉంటే ప్రొడ్యూసర్స్ ని కూడా పిలవండి.

పేర్ని నాని..

సినిమా పరిశ్రమ కష్టాలని జగన్ మోహన్ రెడ్డికి చిరంజీవి తెలిపారు. చిరంజీవి గారి కష్టానికి అభినందిస్తున్నాను. ఎదిగే కొద్దీ ఒదిగి ఉంటారు చిరంజీవి. ఇండస్ట్రీ కోసమే ఆలోచిస్తారు చిరంజీవి. అందరూ సినిమా కష్టాల గురించి చెప్పారు. సీఎం అన్ని నోట్ చేసుకున్నారు. అందరికి ఆమోదయోగ్యంగా జగన్ గారు సమాధానం చెప్పారు. నెలాఖరులోపు అన్నిటికి సమాధానం వస్తుంది. నేను ఫిలిం ఛాంబర్ వాళ్ళతో కూడా మాట్లాడాను. వాళ్ళు కూడా కష్టాలు చెప్పారు. చిన్న సినిమాకి కూడా సపోర్ట్ చేస్తామన్నారు జగన్ గారు. ఇండస్ట్రీని ఆంధ్రప్రదేశ్ లో కూడా డెవలప్ చేయాలి అన్నారు ముఖ్యమంత్రి. ఇండస్ట్రీని వైజాగ్ లో పెట్టండి. మీకు ఏం కావాలంటే అవి ఆరెంజ్ చేస్తాను. షూటింగ్స్ ఆంధ్రప్రదేశ్ లో జరగాలి అని ముఖ్యమంత్రి అన్నారు.

 

ads
×
  • Home
  • About Us
  • Politics
  • Crime
  • Devotional
  • Education
  • Entertainment
  • General
  • Business
  • Information
  • Gallery
  • Contact Us