Naga Chaitanya : నాగచైతన్య కార్ ఆపి ఫైన్ వేసిన పోలీసులు..

UPDATED 12 APRIL 2022 TUESDAY 07:00 AM

Naga Chaitanya : ఇటీవల వై కేటగిరి వరకు భద్రత ఉన్న వ్యక్తులు తప్ప ఇతరులెవరూ వాహనాలకు బ్లాక్‌ ఫిలిం ఉపయోగించరాదని సుప్రీం కోర్టు ఆదేశాలు జారీ చేసింది. దీంతో గత కొన్ని రోజులుగా హైదరాబాద్‌ నగరంలో ట్రాఫిక్‌ పోలీసులు వీటిపై ప్రత్యేక డ్రైవ్స్ నిర్వహిస్తున్నారు. కారు అద్దాలకు బ్లాక్ ఫిలిం అమర్చుకొని వెళ్తున్న వాహనదారులను ఆపి మరీ జరిమానాలు విధిస్తూ, అద్దాలకు ఉన్న బ్లాక్‌ ఫిలింలను తొలగిస్తున్నారు పోలీసులు.

మన దగ్గర చాలా మంది సెలబ్రిటీలు తమ కార్లకి ఈ బ్లాక్ ఫిలింలు వాడతారు. దీంతో హైదరాబాద్ లో ట్రాఫిక్ పోలీసులు నిర్వహించే సోదాల్లో చాలా మంది సెలబ్రిటీలు, స్టార్లు పట్టుబడుతున్నారు. ఇప్పటికే ఎన్టీఆర్, అల్లు అర్జున్, కళ్యాణ్ రామ్, మంచు మనోజ్, త్రివిక్రమ్.. లాంటి పలువురి కార్లను ఆపి వారి కార్లకి ఉన్న బ్లాక్ ఫిలింలని తొలగించి జరిమానాలు విధించారు పోలీసులు.

తాజాగా హీరో అక్కినేని నాగచైతన్యకు కూడా ఇదే విషయంలో పోలీసులు జరిమానా విధించారు. జూబ్లీ హిల్స్ లో చైతూ కారుకి ఉన్న బ్లాక్ ఫిలింలను గుర్తించి ఆ కార్ ని ఆపి ట్రాఫిక్ పోలీసులు 700 రూపాయలు జరిమానా విధించారు. కార్ కి ఉన్న బ్లాక్ ఫిలింలని కూడా తొలగించారు. ఆ సమయంలో నాగ చైతన్య కార్ లోనే ఉన్నారు.

ads
×
  • Home
  • About Us
  • Politics
  • Crime
  • Devotional
  • Education
  • Entertainment
  • General
  • Business
  • Information
  • Gallery
  • Contact Us