Liger: లైగర్ @ 50 డేస్.. సందడి షురూ చేసిన పూరీ

UPDATED 6th JULY 2022 WEDNESDAY 07:00 PM

Liger: టాలీవుడ్ రౌడీ స్టార్ విజయ్ దేవరకొండ నటిస్తున్న పాన్ ఇండియా మూవీ లైగర్ కోసం తెలుగు ప్రేక్షకులతో పాటు యావత్ ఇండియన్ ప్రేక్షకులు ఎంతో ఆసక్తిగా ఎదురుచూస్తున్నారు. ఇక ఈ సినిమాను దర్శకుడు పూరీ జగన్నాథ్ తెరకెక్కిస్తుండటంతో ఈ సినిమాపై ఇండస్ట్రీ వర్గాలతో పాటు ప్రేక్షకుల్లోనూ అంచనాలు భారీగా క్రియేట్ అయ్యాయి.

ఇప్పటికే రిలీజ్ అయిన ఈ సినిమా పోస్టర్స్, టీజర్ గ్లింప్స్ ఈ సినిమాపై అంచనాలను రెట్టింపు చేశాయి.ఇక రీసెంట్‌గా లైగర్ సినిమా కోసం తాను ఎలా కష్టపడుతున్నానో వివరిస్తూ విజయ్ దేవరకొండ పోస్ట్ చేసిన ఫోటో ఎలాంటి సెన్సేషన్ క్రియేట్ చేసిందో అందరికీ తెలసిందే. ఈ ఫోటోలో కేవలం ఓ పూలబొకేను మాత్రమే అడ్డంగా పెట్టుకుని ఇచ్చిన పోజ్ నేషన్‌వైడ్‌గా ట్రెండ్ అయ్యింది. ఇక ఇప్పుడు లైగర్ సినిమా నుండి మరో అదిరిపోయే అప్‌డేట్‌ను చిత్ర యూనిట్ అనౌన్స్ చేసింది.

ఈ సినిమా రిలీజ్’కు ఇంకా 50 రోజులు మాత్రమే మిగిలి ఉండటంతో ఈ సినిమా ఫస్ట్ సింగిల్ సాంగ్‌ను రిలీజ్ చేసేందుకు చిత్ర యూనిట్ రెడీ అయ్యింది. ఈ క్రమంలోనే అక్డీ పక్డీ అనే ఫస్ట్ సింగిల్ సాంగ్‌ను జూలై 11న రిలీజ్ చేస్తున్నట్లు చిత్ర యూనిట్ పేర్కొంది.ఈ పాటకు సంబంధించిన ప్రోమో టీజర్‌ను జూలై 8న రిలీజ్ చేస్తున్నట్లు లైగర్ టీమ్ ప్రకటించింది. ఈ అప్‌డేట్‌తో విజయ్ దేవరకొండ ఫ్యాన్స్ సంతోషం వ్యక్తం చేస్తున్నారు.

ఇప్పటికైనా ఈ సినిమా నుండి అప్‌డేట్ రాబోతుందని.. ఆగస్టులో ఈ సినిమా రిలీజ్ కోసం తామెంతో ఆసక్తిగా ఎదురుచూస్తున్నామంటూ వారు సోషల్ మీడియాలో కామెంట్స్ చేస్తున్నారు. ఇక ఈ సినిమాలో విజయ్ దేవరకొండ సరసన బాలీవుడ్ బ్యూటీ అనన్యా పాండే హీరోయిన్‌గా నటిస్తుండగా, లెజెండరీ బాక్సింగ్ ఛాంపియన్ మైక్ టైసన్ ఈ చిత్రంలో ఓ కీలక పాత్రలో నటిస్తున్నాడు. ఈ సినిమాను ఆగస్టు 25న ప్రపంచవ్యాప్తంగా రిలీజ్ చేస్తున్నట్లు చిత్ర యూనిట్ ఇప్పటికే ప్రకటించిన సంగతి తెలిసిందే.

ads
×
  • Home
  • About Us
  • Politics
  • Crime
  • Devotional
  • Education
  • Entertainment
  • General
  • Business
  • Information
  • Gallery
  • Contact Us