WhatsApp: వాట్సాప్ వాయిస్ మెసేజ్.. ఆడియో వింటూనే చాటింగ్

రెడ్ బీ న్యూస్,12 జనవరి 2022 : పిచ్చాపాటీ కబుర్ల నుంచి అధికారిక సంభాషణల వరకు ప్రపంచవ్యాప్తంగా ఎక్కువ మంది ఉపయోగించే ఏకైక యాప్ వాట్సాప్. ఇతర మెసేజింగ్ యాప్ లోనూ అవే పీచర్స్ ఉన్నప్పటికీ యూజర్ ఫ్రెండ్లీ ఇంటర్ ఫేస్ కావడంతో ఎక్కువ మంది వాట్సాప్ వైపే మొగ్గు చూపుతున్నారు. తాజాగా వాట్సాప్లోని వాయిస్ నోట్ ఫీచర్ లో మరో కొత్త అప్ డేట్ ను యూజర్స్ కు పరిచయం చేయనున్నట్లు సమాచారం. దీంతో యూజర్స్ బ్యాక్ గ్రౌండ్ లోనే వాయిస్ మెసేజ్ వినవచ్చని వాట్సాప్ కమ్యూనిటీ బ్లాగ్ వాట్సాప్ బీటా ఇన్ఫో (వాబీటాఇన్ఫో) తెలిపింది. ప్రస్తుతం వాయిస్ మెసేజ్ ప్లే చేసి చాట్ పేజీ నుంచి బయటకు వస్తే ఆడియో ఆగిపోతుంది. త్వరలో అందుబాటులోకి రానున్న అప్ డేట్ తో వాయిస్ మెసేజ్ ప్లే చేసి, ఎంచక్కా ఇతరులతో చాట్ చేస్తూ ఆడియోను వినవచ్చు. మనం ప్లే చేసిన వాయిస్ మెసేజ్ చాట్ పేజీ పై భాగంలో కనిపిస్తుందని వాబీటా ఇన్ఫో వెల్లడించింది. గతంలో వాయిస్ మెసేజ్ లు రికార్డ్ చేసిన వెంటనే వెళ్లిపోయేవి. కొద్దిరోజుల క్రితం ప్రివ్యూ వాయిస్ నోట్స్ పేరుతో కొత్త అప్ డేట్ ను తీసుకురానున్నట్లు వాబీటాఇన్ఫో తెలిపింది. దీంతో యూజర్స్ రికార్డ్ చేసిన మెసేజ్ ను ఇతరులకు పంపే ముందే విని అందులో ఏవైనా తప్పులుంటే డిలీట్ చేసి, మరో కొత్త మెసేజ్ ను రికార్డ్ చేసి పంపొచ్చు. అలానే వాయిస్ మెసేజ్ వినేప్పుడు వేగాన్ని నియంత్రించేందుకు వీలుగా ప్లేబ్యాక్ స్పీడ్ ఫీచర్ ను కూడా వాట్సాప్ పరిచయం చేసింది. అయితే ఈ ఫీచర్స్ కొద్ది మంది యూజర్స్ కు మాత్రమే అందుబాటులోకి వచ్చినట్లు సమాచారం. త్వరలోనే పూర్తిస్థాయిలో ఆండ్రాయిడ్, ఐఓఎస్ యూజర్‌కు పరిచయం చేయనున్నారు.

ads
×
  • Home
  • About Us
  • Politics
  • Crime
  • Devotional
  • Education
  • Entertainment
  • General
  • Business
  • Information
  • Gallery
  • Contact Us