CM Jagan: కరోనా కట్టడికి ఇప్పటికే ఉన్న ఆంక్షలను కొనసాగిస్తాం: జగన్

Updated 2 February 2022 Wednesday 10 :00 PM

అమరావతి (రెడ్ బీ న్యూస్): జిల్లా కలెక్టర్లతో స్పందన వీడియో కాన్ఫరెన్స్‌లో కలెక్టర్లతో మాట్లాడారు ఆంధ్రప్రదేశ్‌ ముఖ్యమంత్రి వైఎస్‌ జగన్‌మోహన్‌రెడ్డి. కరోనా నివారణ చర్యలు, ఇళ్ల పట్టాలు, జగనన్న కాలనీలు, సంపూర్ణ గృహ హక్కులు, ఉపాధిహామీ, సుస్థిరాభివృద్ధిపై సమీక్షించారు సీఎం జగన్‌. ఈ సంధర్భంగా జగన్ మాట్లాడుతూ.. మనం కోవిడ్‌ థర్డ్‌ వేవ్‌లో ఉన్నామని, రికవరీ రేటు 94.72 శాతం ఉందని వెల్లడించారు.

కొద్దిరోజుల క్రితం గరిష్టంగా 36.02 శాతం ఉన్న పాజిటివిటీ రేటు గణనీయంగా తగ్గిందని, కానీ, ఇప్పుడు రోజువారీ పాజిటివిటీ రేటు 17.73 శాతంగా ఉందని అన్నారు. కరోనా కట్టడికి ఇప్పటికే ఉన్న ఆంక్షలను కొనసాగిస్తామని అన్నారు. మరో రెండు వారాలు నైట్ కర్ఫ్యూని, ఆంక్షలను కొనసాగించాలని నిర్ణయించినట్లు చెప్పారు. నైట్‌ కర్ఫ్యూ, మాస్క్‌ ధరించకపోతే జరిమానాలు విధించాలని స్పష్టం చేశారు.

బహిరంగ ప్రదేశాల్లో 200 మంది, ఇండోర్‌లో 100 మంది కంటే ఎక్కువ ఉండకుండా చూడాలని అన్నారు. సినిమా థియేటర్లు, షాపింగ్ మాల్స్‌లో కోవిడ్‌ నిబంధనలు పాటించేలా వ్యాపారస్తులకు స్పష్టమైన ఆదేశాలు ఇవ్వాలని సూచించారు. కచ్చితంగా ఆంక్షలు అమలు చెయ్యాలని ఆదేశించారు. ఆసుపత్రుల్లో చేరేవారు కూడా తక్కువగానే ఉన్నారని అన్నారు.

ads
×
  • Home
  • About Us
  • Politics
  • Crime
  • Devotional
  • Education
  • Entertainment
  • General
  • Business
  • Information
  • Gallery
  • Contact Us