Windows II: విండోస్ IIలో కొత్త తరహా టైపింగ్.. వారికి మాత్రమే!

Updated 22 January 2022 Monday 19:00 PM

రెడ్ బీ న్యూస్ : దృష్టి లోపం, చేతుల్లో సమస్య ఉన్న దివ్యాంగుల కోసం మైక్రోసాఫ్ట్ కొత్త ఆప్షన్ ను తీసుకొస్తోంది. వాయిస్ కమాండ్స్ తో పని చేసేలా కీబోర్డును అప్డేట్ చేస్తోంది. మైక్రోసాఫ్ట్ తన కొత్త ఆపరేటింగ్ సిస్టమ్ విండోస్ 11 (Windows 11)ను ఇటీవల యూజర్లకు అందుబాటులోకి తీసుకొచ్చిన సంగతి తెలిసిందే. దాని బీటా వెర్షన్ లోనే ఈ కొత్త ఆప్షన్ కనిపించింది. ఇన్ సైడర్ ప్రోగ్రామ్ కొత్త అప్ డేట్ (22588) ద్వారా వర్చువల్ కీబోర్డ్ కు మరిన్ని సౌకర్యాలను జోడించింది. ఇప్పటికే సిస్టమ్ లో ఉన్న వర్చువల్ కీబోర్డుకు ఈ ఫీచర్ ను యాడ్ చేసింది. వర్చువల్ కీబోర్డులో ప్రతి కీకి ఓ నెంబరును కేటాయించారు. అలా బటనకు 1 నుంచి 19 వరకు నంబర్లు ఉంటాయి. ఉదాహరణకు మీ 'R' అనే అక్షరాన్ని టైప్ చేయాలంటే 'క్లిక్ ఆన్ !' అని ఇంగ్లిష్ లో కమాండ్ చెప్పాలి. అప్పుడు మీరు ఎంచుకున్న ప్రదేశంలో ఆ అక్షరం టైప్ అవుతుంది. అలాగే వర్చువల్ కీబోర్డును తెరవడానికి, మూసివేయడానికి కూడా కొన్ని కమాండ్స్ ఇచ్చారు. తెరవాలంటే 'ఓపెన్ ది వర్చువల్ కీబోర్డు'... క్లోజ్ చేయాలంటే 'హైడ్ ది వర్చువల్ కీబోర్డు' అని కమాండ్ ఇవ్వాల్సి ఉంటుంది. వాయిస్ కమాండ్స్ ఇచ్చే సామర్థ్యాన్ని మరింత మెరుగుపరచడానికి Redmond కంపెనీ స్పీచ్ ప్యాక్ అప్లికేషన్లను మైక్రోసాఫ్ట్ స్టోర్లలో అందుబాటులోకి తీసుకొచ్చింది. దీంతో పాటు 'బిల్డ్ 22538'లో ఆధునిక టాస్క్ మేనేజర్, బగ్ పరిష్కారాలతో పాటు లైట్, డార్క్ మోడ్లో పనిచేసేలా టాస్క్ మేనేజర్ వంటి ఇతర కొత్త ఫీచర్లు అందుబాటులో ఉన్నాయి. దీనిని ఇన్ స్టాల్ చేయాలంటే ముందుగా Windows Insiders ప్రోగ్రామ్ లో జాయిన్ కావాల్సి ఉంటుంది. త్వరలో ఈ ఫీచర్లు లైవ్ యూజర్లకు అందుబాటులోకి వస్తాయి.

ads
×
  • Home
  • About Us
  • Politics
  • Crime
  • Devotional
  • Education
  • Entertainment
  • General
  • Business
  • Information
  • Gallery
  • Contact Us