TTD : తిరుమలలో వీకెండ్ రష్.. దర్శన టికెట్ల కోసం భారీ రద్దీ

UPDATED 26th MARCH 2022 SATURDAY 04:00 PM

Weekend Huge Rush In Tirumala : తిరుమలలో భక్తుల రద్దీ విపరీతంగా పెరిగిపోతోంది. కరోనా కారణంగా ఇన్ని రోజులు తిరుమలకు వెళ్లలేకపోయిన వారు.. శ్రీవారిని దర్శించుకోవడానికి వస్తున్నారు. ప్రధానంగా వీకెండ్ లో ఇసుక వేస్తే రాలనంతగా భక్తులు తరలివస్తున్నారు. దీంతో ఆ ప్రాంతమంతా భక్తులతో సందడిగా మారుతోది. కలియుగ దైవం శ్రీ వెంకటేశ్వర స్వామి దర్శించుకోవడానికి భక్త జనం వస్తున్నారు. ప్రధానంగా శ్రీవారి దర్శనం కోసం టికెట్లు తీసుకొనేందుకు క్యూ లైన్ లో వేచి ఉన్నారు.

ఐదు కేంద్రాల్లో 2022, మార్చి 26వ తేదీ శనివారం తెల్లవారుజామునుంచే వేచి చూస్తున్నారు. భూదేవి, శ్రీదేవి సమేత మళయప్ప స్వామిని దర్శించుకోవడానికి భక్తలు పోటెత్తారు. తమిళనాడు, కర్నాటక రాష్ట్రాలే కాకుండా ఇతర రాష్ట్రాల నుంచి భక్తులు ఇక్కడకు వస్తున్నారు.వీకెండ్ వేళ తిరుమలకు రద్దీ పెరుగుతోంది.

కరోనా కారణంగా గతంలో బోసిపోయిన ప్రాంతాలు ఇప్పుడు భక్తుల గోవింద నినాదాలతో తిరుమల మారుమ్రోగుతోంది. టోకెన్ల కౌంటర్ వద్ద, అలిపిరి వద్ద భారీగా రద్దీ ఏర్పడింది. వందల సంఖ్యలో వాహనాలు కొండపైకి వెళ్లేందుకు వేచి చూస్తున్నాయి. టీటీడీ విజిలెన్స్ ట్రాఫిక్ క్రమబద్దీకరిస్తోంది. ఒక్కో వాహన తనిఖీకి 30 నిమిషాలు పడుతుందని తెలుస్తోంది. ఏన్నో ఏళ్లు అయ్యింది.. స్వామి వారి దర్శనం చేసుకుని.. అనుకుంటున్న భక్తులు ఏ మాత్రం సెలవులు వచ్చినా.. తిరుమలకు పయనం అవుతున్నారు. శని, ఆదివారాల్లో ఇదే పరిస్థితి ఏర్పడుతోంది. ఇక కొండపై అద్దె గదులు దొరక్క ఇబ్బందులు పడుతున్నారు.

తిరుమలలో భక్తుల రద్దీ పెరిగిన నేపథ్యంలో క్యూ లైన్లు, భక్తుల వసతి సదుపాయం తనిఖీ చేయడం జరిగిందని టీటీడీ ఛైర్మన్ వైవీ సుబ్బారెడ్డి వెల్లడించారు. క్యూ లైన్లలో ఉన్న భక్తులకు పాలు, ఆహారం అందించాలని అధికారులను ఆదేశిచండం జరిగిందన్నారు.

ads
×
  • Home
  • About Us
  • Politics
  • Crime
  • Devotional
  • Education
  • Entertainment
  • General
  • Business
  • Information
  • Gallery
  • Contact Us