CM Jagan : ఎకరాకు రూ.30 వేలు.. రైతులకు సీఎం జగన్ సరికొత్త ఆఫర్

UPDATED 27th SEPTEMBER 2022 WEDNESDAY 07:50 PM

CM Jagan Offer For Farmers : ఏపీ సీఎం జగన్ రాయలసీమ రైతులకు సరికొత్త ఆఫర్ ప్రకటించారు. సోలార్, విండ్ పవర్ సంస్థల కోసం భూములిచ్చే రైతులకు ఏడాదికి ఎకరాకు రూ. 30 వేల చొప్పున లీజు ధర చెల్లిస్తామన్నారు. ఈ మేరకు రైతులతో ప్రభుత్వం ఒప్పందం చేసుకుంటుందని తెలిపారు. ప్రభుత్వమే రైతుల నుంచి భూములను లీజుకు తీసుకుని సౌర, పవన విద్యుత్‌ తయారీ సంస్థలకు ఇస్తుందని చెప్పారు.

ప్రతి మూడేళ్లకు ఒకసారి ఐదు శాతం మేర లీజు ధరను పెంచుతామని జగన్ తెలిపారు. ఈ ప్రాజెక్టులు నిర్మించేందుకు రాష్ట్ర ప్రభుత్వం సన్నద్ధంగా ఉందన్నారు సీఎం జగన్. గ్రీన్‌కో ప్రాజెక్టులకు రైతులు సహకరించాలని విజ్ఞప్తి చేశారు. నంద్యాల జిల్లాలో రామ్ కో సిమెంట్స్ పరిశ్రమను ప్రారంభించిన సందర్భంగా జగన్ ఈ ఆఫర్ గురించి తెలిపారు.

ఒక్కో లొకేషన్ లో కనీసం 500 మెగావాట్ల విద్యుత్ ఉత్పత్తి జరిగేలా భూసేకరణ జరగాలని జగన్ చెప్పారు. ఆ మేరకు రైతులు భూములు ఇచ్చేలా వారిని ఒప్పించేలా ఎమ్మెల్యేలు, ప్రజాప్రతినిధులు చొరవ చూపాలని అన్నారు. ఈ గ్రీన్ గో ప్రాజెక్టుల నిర్మాణాలకు రైతులు కూడా సహకరించాలని కోరారు.

ads
×
  • Home
  • About Us
  • Politics
  • Crime
  • Devotional
  • Education
  • Entertainment
  • General
  • Business
  • Information
  • Gallery
  • Contact Us