UPDATED 11th MARCH 2022 FRIDAY 09:00 AM

AP Budget: ఆంధ్రప్రదేశ్ రీసెంట్ బడ్జెట్ ను మరి కొద్ది గంటల్లో అంటే మార్చి 11 ఉదయం ప్రవేశపెట్టనున్నారు. బడ్జెట్ కేటాయింపులపై ఏపీ ప్రజలు ఉత్కంఠతో ఎదురుచూస్తున్నారు. వ్యవసాయ బడ్జెట్ ను మంత్రి కన్నబాబు ప్రవేశపెట్టనుండగా, రాష్ట్ర వార్షిక బడ్జెట్ ను మంత్రి బుగ్గన రాజేంద్ర రెడ్డి ప్రవేశపెట్టనున్నారు. సంక్షేమానికే ప్రభుత్వం పెద్ద పీట వేస్తున్నట్లు కనిపిస్తుంది.

2021-22లో రెండు లక్షల 30వేల కోట్ల అంచనాతో బడ్జెట్‌ ప్రవేశపెట్టగా.. ఈ సారి రెండున్నర లక్షల కోట్ల రూపాయలకు పైగా ఉంటుందని సమాచారం. మహిళా సాధికారతకు ప్రాధాన్యతనిస్తూ.. వరుసగా రెండో ఏడాది జెండర్‌ బేస్డ్‌ బడ్జెట్‌ ను ప్రవేశపెట్టేందుకు వ్యూహరచన చేశారు. మహిళలు, పిల్లల కోసం ప్రత్యేకంగా కేటాయింపులు ఇస్తుండగా బడ్జెట్ కేటాయింపుల్లో మిగిలినవి ఇలా ఉండొచ్చని భావిస్తున్నారు.

అసెంబ్లీ నియోజక వర్గాల అభివృద్ధి నిధికి రూ.350 కోట్లు, వైఎస్సార్‌ పెన్షన్‌ కానుకకు రూ.18 వేల కోట్లకు పైగా, వ్యవసాయం, విద్య, వైద్యం, సంక్షేమ రంగాలకు ప్రాధాన్యతనిస్తూ బడ్జెట్ ప్రవేశపెట్టనున్నారు.