UPDATED 18th JULY 2026 4:00 PM
పెద్దాపురం, రెడ్ బీ న్యూస్, జూలై 18 : రాష్ట్రాన్ని చెత్త రహిత రాష్ట్రంగా తీర్చిదిద్దడమే లక్ష్యంగా ముఖ్యమంత్రి చంద్రబాబు నాయుడు చేపట్టిన 'స్వర్ణాంధ్ర-స్వచ్ఛాంధ్ర' కార్యక్రమంలో భాగంగా, కాకినాడ జిల్లాలో కీలక అభివృద్ధి పనులకు శ్రీకారం చుట్టారు. పెద్దాపురం మున్సిపాలిటీ పరిధిలో రూ. 4.06 కోట్ల వ్యయంతో ఆధునిక ఇంటిగ్రేటెడ్ సాలిడ్ వేస్ట్ మేనేజ్మెంట్ ప్లాంట్ను ముఖ్యమంత్రి వర్చువల్ విధానంలో ప్రారంభించారు.
- వేస్ట్ టు ఎనర్జీ: సామర్లకోటలో రూ. 450 కోట్ల వ్యయంతో చెత్త నుంచి విద్యుత్ ఉత్పత్తి చేసే ప్లాంట్ ఏర్పాటు.
- భవిష్యత్తు లక్ష్యం: వచ్చే 18 నెలల్లో ఈ ప్లాంట్ పూర్తిస్థాయిలో అందుబాటులోకి రానుంది. దీని ద్వారా జిల్లాలోని 7 నియోజకవర్గాల వ్యర్థాలను విద్యుత్తుగా మార్చనున్నారు.
- పెద్దాపురంలో ఆధునిక ప్లాంట్: రోజుకు 40 టన్నుల చెత్తను ప్రాసెస్ చేసే సామర్థ్యంతో ఆధునిక ప్లాంట్ ప్రారంభం. ఇది తడి, పొడి చెత్తను శాస్త్రీయంగా వేరు చేసి ఎరువు మరియు రీసైక్లింగ్ ఉత్పత్తులను తయారు చేస్తుంది.
- తాగునీటి ప్రాజెక్టులు: పెద్దాపురం, సామర్లకోట జంట పట్టణాల కోసం రూ. 76 కోట్లతో తాగునీటి ప్రాజెక్టు పనులకు శంకుస్థాపన.
శాస్త్రీయ వ్యర్థాల నిర్వహణతో 'జీరో వేస్ట్' టౌన్గా పెద్దాపురం
ఈ సందర్భంగా జిల్లా కలెక్టర్ ఎం.ఎన్. హరేంధిర ప్రసాద్ మాట్లాడుతూ, ఇప్పటివరకు డంపింగ్ యార్డుల వల్ల ఎదురవుతున్న దుర్వాసన, కాలుష్య సమస్యలకు ఈ కొత్త ప్లాంట్తో శాశ్వత పరిష్కారం లభిస్తుందని తెలిపారు. ఎమ్మెల్యే నిమ్మకాయల చిన్న రాజప్ప, డీసీసీబీ చైర్మన్ తుమ్మల రామస్వామి (బాబు) మాట్లాడుతూ, నియోజకవర్గ అభివృద్ధికి ముఖ్యమంత్రి చంద్రబాబు నాయుడు ప్రత్యేక ప్రాధాన్యత ఇస్తున్నారని పేర్కొన్నారు. ఈ ప్రాజెక్టులు అమల్లోకి రావడం ద్వారా పెద్దాపురం, సామర్లకోటలు ఆదర్శ పట్టణాలుగా నిలవడమే కాకుండా, పర్యావరణ పరిరక్షణలో రాష్ట్రానికే తలమానికంగా మారనున్నాయి.
ఈ కార్యక్రమంలో మున్సిపల్ కమీషనర్ కె. శ్రీకాంత్ రెడ్డి, ఆర్డీవో పి. కృష్ణమూర్తి, తహసీల్దార్ పి. శ్రీనివాస్, టీడీపి జిల్లా ఉపాధ్యక్షుడు నిమ్మకాయల రంగనాగ్, మాజీ మున్సిపల్ చైర్మన్ రాజా సూరిబాబు రాజు,
