UPDATED 11 th JULY 2026 8:30 PM

​మైసూర్, రెడ్ బీ న్యూస్, జూలై 11: భారతీయ సినీ సంగీత సామ్రాజ్యంలో తన అద్భుత గాత్రంతో ఆరు దశాబ్దాల పాటు ఏకఛత్రాధిపత్యం వహించిన లెజెండరీ గాయని ఎస్.జానకి (88) ఇక లేరు. వయోభారంతో బాధపడుతున్న ఆమె మైసూర్‌లో గుండెపోటుతో తుదిశ్వాస విడిచారు. శాస్త్రీయ సంగీతంలో ఎలాంటి అధికారిక శిక్షణ లేకపోయినా.. కేవలం శృతిజ్ఞానం, అకుంఠిత దీక్షతో 50 వేలకు పైగా పాటలు పాడి భారతీయ సంగీత చరిత్రలో అపూర్వ రికార్డు సృష్టించారు. 1957లో ప్రస్థానాన్ని ప్రారంభించిన ఆమె.. కేవలం ఒకే ఏడాదిలో 6 భాషల్లో పాటలు పాడి నాడే ఇండస్ట్రీని ఆశ్చర్యపరిచారు.

​నాలుగు జాతీయ అవార్డులు, 33 రాష్ట్ర ప్రభుత్వ అవార్డులు అందుకున్న జానకమ్మ.. 2013లో కేంద్ర ప్రభుత్వం ప్రకటించిన పద్మభూషణ్ అవార్డును తిరస్కరించి, అవార్డుల కంటే ప్రేక్షకుల అభిమానమే మిన్న అని నిరూపించుకున్నారు. 2016లో అధికారికంగా పాటలకు వీడ్కోలు పలికినప్పటికీ, 2018లో అభిమానుల కోసం మరోసారి మైక్ పట్టి ‘పన్నాడి’ అనే తమిళ చిత్రంలో చివరిసారిగా పాడారు. గుంటూరు జిల్లా రేపల్లెలో పుట్టి, భారతీయ సినీ సంగీతాన్ని శాసించిన జానకమ్మ మృతితో ఒక సువర్ణ శకం ముగిసిందని సినీ, సంగీత ప్రముఖులు తీవ్ర దిగ్భ్రాంతి వ్యక్తం చేస్తున్నారు.