విశాఖపట్టణం (రెడ్ బీ న్యూస్) 3 డిసెంబర్ 2021 : విశాఖ నగరంలోని ఎండాడ పెట్రోల్‌ బంక్‌ వద్ద మద్యం మత్తులో ఓ యువకుడు హల్‌చల్ చేశాడు. కత్తిపట్టుకుని అందర్నీ భయబ్రాంతులకు గురిచేశాడు. యువకుడి వీరంగంతో స్థానికులు తీవ్ర భయాందోళనలకు లోనయ్యారు. కాసేపటికి బీరు బాటిళ్లు పగులగొట్టి జాతీయ రహదారిపై వెళ్లే వాహనదారులను అడ్డగించాడు. ఓ కారు అద్దం కూడా పగులగొట్టాడు. కొందరు స్థానికులు యువకుడిని పట్టుకుని దేహశుద్ధి చేశారు. అనంతరం ఆరిలోవ పోలీసులకు అప్పగించారు.