UPDATED 24th FEBRUARY 2022 THURSDAY 05:00 PM

APPSC Chairman : ఆంధ్రప్రదేశ్ పబ్లిక్ సర్వీస్ కమిషన్ (APPSC) చైర్మన్‌గా మాజీ డీజీపీ గౌతమ్ సవాంగ్ గురువారం బాధ్యతలు స్వీకరించారు. విజయవాడలోని ఏపీపీఎస్సీ కార్యాలయంలో ఆయన బాధ్యతలు చేపట్టారు. ఈ సందర్భంగా సవాంగ్ ప్రత్యేక పూజలు నిర్వహించారు. ప్రస్తుతం ఏపీపీఎస్సీ ఛైర్మన్‌గా కొనసాగిన ఉదయ్‌భాస్కర్‌ పదవీకాలం 6 నెలల క్రితమే ముగియడంతో ఆయన స్థానంలో సవాంగ్ బాధ్యతలు చేపట్టారు.

ఇటీవలే ఏపీ ప్రభుత్వం డీజీపీ పోస్టు నుంచి సవాంగ్‌ను బదిలీ చేసింది. ఏపీపీఎస్సీ ఛైర్మన్‌గా నియమించాలని ప్రభుత్వం నిర్ణయించింది. గౌతమ్ సవాంగ్ 1986 బ్యాచ్ ఐపీఎస్‌ అధికారి. ఉమ్మడి ఆంధ్రప్రదేశ్‌లో చిత్తూరు జిల్లా మదనపల్లె ఏఎస్పీగా పనిచేసిన అనుభవం ఉంది. ఏపీపీఎస్సీ నూతన చైర్మన్‌గా బాధ్యతలు స్వీకరించిన సందర్భంగా ఉద్యోగులు, సిబ్బంది సవాంగ్‌కు ప్రత్యేకంగా అభినందనలు తెలియజేశారు. ఈ కొత్త పదవిలో గౌతమ్ సవాంగ్ ఐదేళ్ల పాటు కొన‌సాగ‌నున్నారు.