Updated 1st November 2023 Wednesday 11:25

Varun Tej and Lavanya Tripathi Wedding : వరుణ్ తేజ్, లావణ్య త్రిపాఠిలు వివాహ బంధంతో ఒక్కటయ్యారు. లావణ్య మెడలో వరుణ్ మూడు ముళ్లు వేసి, ఏడు అడుగులు నడిచారు. దాంతో ఈ ప్రేమ జంట ఒక్కటైంది. పెళ్లి తంతు ముగిశాక ఇద్దరూ దేవుడికి నమస్కరించారు. దీనికి సంబంధించిన ఫోటో సోషల్ మీడియాలో వైరల్ అయ్యింది. వరుణ్ లవ్ జంటకు అంతా శభాకాంక్షలు తెలియజేస్తున్నారు.

వేద‌ మంత్రాల సాక్షిగా బుధవారం రాత్రి(నవంబర్ 1) ఇటలీలోని టస్కనీలో వీరి వివాహం అంగరంగ వైభవంగా జ‌రిగింది. ఈ వేడుక‌కు ఇరు కుటుంబాలు, బంధుమిత్రులు స‌హా టాలీవుడ్ సెల‌బ్రిటీలు హాజ‌ర‌య్యారు. వరుణ్ లవ్ పెళ్లిలో రామ్‌ చ‌ర‌ణ్‌, అల్లు అర్జున్‌, నితిన్ త‌దిత‌ర సెల‌బ్రిటీ క‌పుల్స్‌ స్పెష‌ల్ అట్రాక్ష‌న్‌గా నిలిచారు.

వ‌రుణ్ తేజ్‌, లావ‌ణ్య మిస్ట‌ర్ సినిమాలో జంట‌గా న‌టించారు. 2017లో ఈ సినిమా విడుదలైంది. ఈ మూవీ షూటింగ్ స‌మ‌యంలోనే వీరి మ‌ధ్య స్నేహం మొద‌లైంది. ఈ సినిమా షూటింగ్ కూడా ఇట‌లీలో జ‌రుపుకుంది. అక్క‌డ వీరి ప్రేమ‌కు బీజం ప‌డింది. త‌ర్వాత అంత‌రిక్షంలోనూ వీరు క‌లిసి న‌టించారు. ఈ సినిమాతో మ‌రింత ద‌గ్గ‌ర‌య్యారు. వీరి ప్రేమ‌కు ఇరు కుటుంబాలు గ్రీన్ సిగ్న‌ల్ ఇవ్వ‌డంతో వైవాహిక బంధంతో ఒక్క‌ట‌య్యారు.