AP New Districts : ఏపీలో 26 జిల్లాలు-తుది నోటిఫికేషన్ జారీ..రేపట్నుంచి కొత్త జిల్లాల పాలన

UPDATED 3rd APRIL 2022 SUNDAY 06:00 AM AP

New Districts : ఏపీలో కొత్త జిల్లాలు వచ్చేశాయ్‌. 13 జిల్లాల నవ్యాంధ్ర.. ఇక 26 జిల్లాల ఆంధ్రప్రదేశ్‌గా మారింది. కొత్త జిల్లాలను ఖరారు చేస్తూ శనివారం అర్ధరాత్రి తర్వాత ప్రభుత్వం తుది నోటిఫికేషన్లు జారీ చేసింది. అర్ధరాత్రి తర్వాత.. శ్రీకాకుళం జిల్లాతో తొలి నోటిఫికేషన్‌ జారీ అయ్యింది. తర్వాత ఒక్కో జిల్లాకు ఒక్కొటి చొప్పున నోటిఫికేషన్లు జారీ అయ్యాయి. రేపట్నుంచి కొత్త జిల్లాలు అమలులోకి వస్తాయని ఆ ఉత్తర్వుల్లో తెలిపింది ప్రభుత్వం.

కొత్త జిల్లాలను ప్రతిపాదిస్తూ జనవరి 25న ప్రభుత్వం తొలి నోటిఫికేషన్లు జారీ చేసింది. ఒక్కో లోక్‌సభ నియోజకవర్గాన్ని ఒక జిల్లాగా ఏర్పాటు చేయాలని స్థూలంగా నిర్ణయించుకుని.. విస్తీర్ణం దృష్ట్యా అరకును మాత్రం రెండు జిల్లాలుగా విభజించింది. 13 జిల్లాలను 26కు పెంచింది. ఏపీలో రెవెన్యూ డివిజన్ల సంఖ్య 72కు చేరింది. ఏపీలో కొత్తగా 21 రెవెన్యూ డివిజన్ల ఏర్పాటు చేశారు.

దీంతో ఏపీలో రెవెన్యూ డివిజన్ల సంఖ్య 51 నుంచి 73కు పెంచారు. విజయవాడ కేంద్రంగానే కృష్ణా జిల్లా ఏర్పాటు ఉండనుంది. కుప్పం కేంద్రంగా కొత్త రెవెన్యూ డివిజన్ ఏర్పాటు చేశారు.కొత్త జిల్లాల ప్రతిపాదనలపై మార్చి 7వ తేదీ వరకు అభ్యంతరాలు, సూచనలు స్వీకరించింది. మండలాలు, డివిజన్ల మార్పు, కూర్పుతోపాటు పేర్లపై సుమారు 12 వేల 600 అభ్యంతరాలు వచ్చాయి. అభ్యంతరాలను పరిగణనలోకి తీసుకున్న సర్కార్‌.. స్వల్ప మార్పులతో కొత్త జిల్లాలను ఖరారు చేసింది. ఒక్కటి మినహా.. మిగతా జిల్లాల పేర్లను ముసాయిదా నోటిఫికేషన్‌లో పేర్కొన్న వాటినే కంటిన్యూ చేసింది.

తిరుపతి కేంద్రంగా శ్రీ బాలాజీ జిల్లా ఏర్పాటు చేయాలని తొలుత ప్రతిపాదించారు. దీనిని ఇప్పుడు తిరుపతి జిల్లాగానే ఉంచారు. అటు.. మన్యం జిల్లాకు బదులుగా పార్వతీపురం మన్యం అనే పేరు ఖరారు చేశారు. కొన్ని జిల్లాల పరిధిలోని మండలాల్లో కొన్ని సవరణలు జరిగాయి. కొత్త జిల్లాలకు కలెక్టర్లు, జాయింట్‌ కలెక్టర్లు, ఎస్పీలను నియమిస్తూ వేర్వేరుగా ఉత్తర్వులు జారీ అయ్యాయి.

ads
×
  • Home
  • About Us
  • Politics
  • Crime
  • Devotional
  • Education
  • Entertainment
  • General
  • Business
  • Information
  • Gallery
  • Contact Us