TSRTC Offer : తెలంగాణ ఆర్టీసీ ఉగాది కానుక..బస్సుల్లో వారికి ఉచిత ప్రయాణం

UPDATED 1st APRIL 2022 FRIDAY 08:00 AM

Free travel in TSRTC buses : టీఎస్ ఆర్టీసీ ఉగాది పండుగ సందర్భంగా ఆఫర్ వదిలింది. రేపట్నుంచి సినీయర్‌ సిటిజన్లకు ఆర్టీసీ ఉగాది కానుక ప్రకటించింది. ఉగాది పండుగ రోజు తెలంగాణకు చెందిన అన్ని ఆర్టీసీ బస్సుల్లో 65ఏళ్లు దాటిన వృద్ధులు ఉచితంగా ప్రయాణించవచ్చని ఆర్టీసీ ఎండీ సజ్జనార్‌ ట్విటర్‌ ద్వారా వెల్లడించారు. ఉచిత ప్రయాణం కోసం సీనియర్‌ సిటిజన్లు ఏదైనా గుర్తింపు కార్డు చూపించాల్సి ఉంటుందని పేర్కొన్నారు.

తెలుగు సంవత్సరాది ఉగాదిని పురస్కరించుకుని మొత్తం మూడు రాయితీలు కల్పించనున్నట్లు ఆర్టీసీ ఛైర్మన్ బాజిరెడ్డి గోవర్ధన్ రెడ్డి, ఎండీ సజ్జనార్ తెలిపారు. వృద్ధులకు ఉచిత ప్రయాణంతో పాటు.. కార్గో, పార్శల్ వినియోగదారులకూ ఆఫర్ ప్రకటించారు. ఉగాది నుంచి శ్రీరామనవమి వరకు 5 కిలోల బరువున్న పార్శల్స్ బుకింగ్ ఛార్జీలపై 25 శాతం రాయితీ కల్పిస్తున్నట్లు వెల్లడించారు. అంతేకాదు.. ప్రత్యేక రోజుల్లో ఈ రాయితీని ఎక్కడి నుంచి ఎంత దూరమైనా పంపించే పార్శల్‌పై ఉపయోగించుకోవచ్చని చెప్పారు.

ఇక విమానాశ్రయానికి వెళ్లే పుష్పక్ బస్సులో అప్ అండ్ డౌన్ టిక్కెట్‌పై తిరుగు ప్రయాణంలో 20 శాతం రాయితీ కూడా కల్పిస్తున్నట్లు తెలిపారు. అయితే రిటర్న్ జర్నీ 10 రోజుల లోపు ఎప్పుడైనా వినియోగించుకోవచ్చని స్పష్టం చేశారు. ప్రయాణికులకు మెరుగైన సేవలు అందించేందుకు టీఎస్ ఆర్టీసీ తగిన చర్యలు తీసుకుంటోందన్నారు.

ads
×
  • Home
  • About Us
  • Politics
  • Crime
  • Devotional
  • Education
  • Entertainment
  • General
  • Business
  • Information
  • Gallery
  • Contact Us